KITÉ PAWOL KOURI

Kité Pawol kouri

Makrèl di yo tann,
Konpè, anni fé kon toutrèl

Pran lavol épi fann kann

Pengad monté anlè nenpot chouval

Pawol sé kod, pawol sé bal

Pengad ouvè djèl pou modé

Pyès movè lak

Défwa moun ka voyé vyé mo

Pou chifonnen lespwi’w

Fè’w di plis ki ou sé lé

Pou yo di sé wou ki di !

Sonjé konpè, makoumè

Wa filé lang’ou sètfwa

Avan'w rantré adan pyès

Konba mélé

Kanmarad mové pawol

Sé yo menm ka ri’w

Lè lang-ou ka mandè’w

Kous kouri

kité van kouri nan savann

Pé djèl-ou sèk

Lè ou wè makak ka ri chyen !

Paskè pandan makak séwé nan pyébwa

Asiré, sé bonda’w chyen ka modé !