PA JIJE AN MOUN DAPWE SA I FE JODI !

Ou pé pa konnèt an nonm pa tjè
Paskè an nonm ni fidji lajounen-i
Men mannyè i ni fidji lannuit-li tou !

Men eské sé pa bondyé ki fè jou
Ki fè lannuit é ki fè nonm tou ?
Davwa tousa bondyé fè bon
Man lé kwè ki nonm bon
Ki nonm ki mové jodi
Pé divini mèyè dèmen

Sonjé byen ki sé lespwa ki ka fè lavi
Sonjé byen ki sé konfians ki ka fè
Ki dèmen vo lapenn.

Ventan pyé koko pa ba-y hak, hak, hak !
Eksétéra fwa ou pwan koutla pou koupé-y
Men pasians épi bontjè tjenbé lanmen-ou !

Ek on bèl jou mi koko bay
Li bay an ti koko flègèdè
Epi an dot jou i bay twa ti koko
Gwosè ponyèt on ti manmay!

Jodi jou i ka bay tèlman
Ki sé adan-y moun ki soti toupatou
Ka vini bwè dlo pou soulajé laswèf karèm !

Kwé mwen fwè mwen, sè mwen
Zot tout ki Yich bondyé
Pa jijé an moun dapwé sa i fè jodi
Paskè sé bondyé sèl ki sav
Sa dèsten chak nonm
ka séré nan lèstonmak-li !

sonjé koko pa bay, koko pa bay, koko pa bay !
Epi an jou, koko bay, koko bay, koko bay !
Ek jik jodi i ka bay anko toujou !