Yonn bo lòt !

Nou toujou vansé ansanm
Yonn bo lòt
Yonn dèyè lòt
Yonn douvan lòt

Nou toujou vansé
Zépòl bwaré
Pou koubaré van mové
Lyanné pou profité van douvan

Si mwen mantjé so
Ou ja poté mannèv paré so
Si’w wélé kon lanbi difé pwi
Manja douvan lapot pou poté dlo


Man sav dépyé nou ni zonn pou maché
Apa labou, ni léchofi ni zotèy pété
Ka pé fè nou tchilé magré konba mélé

Nou ja vansé ansanm
Nan moulin farin djoubakay nou
Yonn bo lot, tèt kolé, lèspwi lyanné

Alos, lespwa mwen si kè
Jou fèt anjou pou né pé
Asiz anssanm nan jadin contantman nou
Pou bwè an dlo koko bien fré